Arratsaldeon guztioi, poz ematen du gaur hemen horrelako jendetza bildu izanak, zorionak!!!
Hazkunde ekonomikoaren izenean ematen ari den etengabeko lurraldearen suntsiketa ez da berria; eta oparotasunaren izenean gutxi batzuek poltsikoak betetzea ere ez.
Orain, trantsizio energetiko eta ekologikoaren izenean inposatu nahi dizkigute berriztagarrien zabalpen masiboak, argindarra garraiatzeko autopista elektrikoak, abiadura handiko trena eta bestelako hamaika proiektu. Nola ez, herritarron mesedetarako dela diote, eta trantsizio ekologikoa emateko ezinbesteko baldintza direla, gainera. Txiste txar baten itxura du, baina ez, errealitate gordin-gordina da.
Proposatu dituzten proiektuak egitea lortuko balute, gaur egun ezagutzen dugun Euskal Herriko paisaia betirako aldatuko litzateke; nekazal eta abeltzain lur-sail asko galduko genituzke; komunalak ere pribatizatuko lituzkete, jada martxan dagoen desjabetze etengabeko prozesua areagotuz eta horren larria den biodibertsitatearen galeran atzera pausu handiak emanez; finean, hondamendi ekologikoan sakonduz.
Argi ikusten ari gara, burutu nahi dituzten proiektu hauek instituzio eta enpresen elkarlanaren emaitza direla. Europatik hasi, Espainiar eta Frantziar estatuetan jarraitu eta Nafarroako nahiz EAEko gobernuetan parte hartzen duten alderdi politiko guztiak itxuraz berdeak diren enpresen mesedetan ari dira lanean. Legeak onartuz, finantziazioa erraztuz, herritarron artean propaganda egin eta nahasmena sortuz. Era berean herri batzordeen erabakiak ari dira urratzen, autoritarismoari bidea ireki nahian.
Gaurkoa bezalako mobilizazio egunak ezinbestekoak dira instituzio eta enpresarien arteko aliantza honi aurre egiteko. Gero eta gehiago gara lurraren defentsan ari garen herritarrok, esparru askotatik, baserrian hasi eta akademian bukatu. Oso eremu ezberdinetako pertsonak elkartu gara egin nahi dituzten astakeria hauen dimentsioaz jakitun; eta lanean ari gara, lurraren defentsan mobilizatzeko prest. Horietako asko bildu gara gaur hemen.
Ante la falsa transición climática que nos están intentando imponer desde las instituciones, nos hemos reunido hoy aquí para darles un no rotundo. Para frenarles los pies a todas esas empresas que pretenden seguir acumulando toda la riqueza posible, facilitada por los partidos políticos de turno. En una situación de crisis ecológica sin precedentes, pretende una vez mas, aprovechar la ocasión para su propio beneficio. La acumulación de capital. Hoy nos hemos reunido aquí las que estamos dispuestas a movilizarnos y trabajar en defensa del territorio, les hemos dejado bien claro, no les vamos a dejar hacer lo quieren, nos tendrán en frente!
Lan handia dugu aurretik, baina urtebetean izan dugun bilakaera ikusirik, ziur gaude kezkaz begiratzen digutela lurraren suntsiketa hau burutzeko asmoa dutenek.
Lurraldea oligopolio energetikoari oparitzean, herritarrok gure beharrak asetzeko ditugun tresnak oparitzen dizkiete. Herritarrok oligopolioaren eskuetan utzita.
Hau guztia onartezina da.
Guk ozen esaten diegu:
Ez gaude salgai!! No estamos en venta!! On n´est pas á vendre!! Ez gaude prest horiei men egiteko, are gutxiago geure burua eta lurraldea kapitalari eskaintzeko!
Gazteekin, hurrengo belaunaldiekin, ere badugu konpromiso bat: Pertsona guztientzako Euskal Herria Bizirik mantentzea!
Euskal Herria Bizirik saretik lurraren defentsan aurrera jarraitzeko ardurari eutsiko diogu, eta borrokarekin jarraitzeko Maiatzaren 26an Kolitza mendira egingo dugun mendi martxa nazionalean parte hartzeko gonbidapena luzatzen dizuegu.
Depuis le réseau Euskal Herria Bizirik, nos poursuivrons notre engagement en faveur de la défense de la terre et vous inviterons à la marche nationale de montagne du 26 mai au mont Kolitza.
Desde Euskal Herria Bizirik nos comprometemos a seguir trabajando en la defensa del territorio, y para seguir con la lucha os invitamos a partcipar en la marcha montañera nacional que realizaremos el 26 de Mayo en Kolitza.
Sigamos por el mismo camino!!
Continuons sur la même voie!!
Segi dezagun bide beretik!
Lurraren defentsan, Euskal Herria Bizirik!!